Kersvader kom kuier!
Thabazimbi – Kersvader het op Vrydag 29 November by A Lo Ha Keiki Kleuterskool gaan kuier. Die jongspan het van oor tot oor geglimlag toe hy met sy rooi brandweerwa en kortbroek opdaag.
Hulle het hom met oë vol verwondering aangestaar terwyl hulle die geleentheid gekry het om op sy skoot te sit. Natuurlik het hy ook nie met leë hande daar aangekom nie! ‘n Hele hoop geskenke is uitgedeel.