HFM atlete skitter op die baan!

Thabazimbi – Hoërskool Frikkie Meyer se atlete het Vrydag 7 Februarie 2025, met moed en toewyding by Hoërskool Die Wilgers meegeding teen Hoërskool Wonderboom, Hoërskool Die Wilgers en Hoërskool Nylstroom. Almal het hul beste gegee, maar sekere uitblinkers verdien spesiale erkenning: Leandri van Aswegen (100m – o/16), Milane Stassen (400m – o/15), Anabelle Huysamen (300m hekkies – o/15), Anrich Fourie (gewigstoot – o/17), Lourens Pieterse (gewigstoot – o/19) en Micka Rohrs (diskus – o/15) het met puik prestasies uitgeblink. HFM is trots op elke atleet wat met passie en vasberadenheid hul sport beoefen!