ATKV Thabazimbi dra weer by tot taaltriomf!
Thabazimbi – Thabazimbi het opnuut gewys dat dit ‘n broeiplek is vir jong redenaarstalente toe leerders van verskeie grade hul sê kom sê het tydens die Interhuis Redenaarskompetisie. Hierdie spoggeleentheid is aangebied by Hoërskool Frikkie Meyer en Laerskool Thabazimbi, met ondersteuning en beoordelingshulp van die ATKV Thabazimbi. Rita Volschenk, voorsitter van die plaaslike ATKV, het die verrigtinge gereël en ‘n gladde verloop verseker.
HFM se Interhuis Redenaars – 11 Maart
Die kompetisie was propvol passie en pittige menings. In die Junior Voorbereide afdeling het die volgende sterre uitgeblink:
- Bertus Els
- Gabriella Nel
- Megan Rudolph
By die Seniors was dit ewe indrukwekkend:
- Frans Kalp
- Elri Geldenhuys
- Kaylin du Plessis
Die welbekende redenaarskenner, Driekie Jacobs van RAB, was die beoordelaar vir hierdie afdeling en het die leerders se selfvertroue en taalgebruik geloof.
Photo: Senior redenaars met groot drome, van links, Elri Geldenhuys, Kaylin Du Plessis, en Frans Kalp.