Waar die Bosveld praat Brief van die Redakteur – Myrtle van Zyl 

Soos die son weer oor die Bosveld opkom, begin ons met dankbaarheid ons eerste uitgawe van 2026. 

Ná die rus van die vakansietyd is ons almal weer veilig terug, reg om met nuwe energie vorentoe te beweeg. Skole se deure het oopgegaan, besighede begin weer stoom rol, en die ritme van die daaglikse lewe is terug waar dit hoort.

Die Platinum Bushvelder koerant klop in pas met sy gemeenskap — ’n gemeenskap van hartsmense, harde werkers en diep wortels. Ons koerant is weer vol aan die gang met nuus wat saak maak. Bly op hoogte, en indien u wil adverteer, nooi ons u uit om met ons kontak te maak.

Ons verhouding met ons gemeenskap is vir ons kosbaar. Baie dankie vir elke bydrae, elke berig en elke wenk wat ingestuur word. Saam vertel ons die stories van Thabazimbi, Northam, Regorogile en al die omliggende dele. Dankie dat u deel is van ons storie. Saam bly ons die stem van die Bosveld en sy mense. Die Bosveld leef — en sy mense maak dit besonders.
Mag God ons almal ryklik seën in 2026.